හරිත දියත මතක සටහන්... [කොටස් දහයෙන් - 02 වන කොටස]

 මීට අවුරුදු 15වකට කලින්, 2006 නොවැම්බර් 25/26 දෙදිනේ බඹරකන්ද දිය ඇල්ල ආශ්‍රිත නිවාඩු නිකේතනයක "හරිත දියත" නමින් පාරිසරික සංවිධානයක් නිල වශයෙන් ආරම්භ උනා.  මම ඇතුළු ඒ සංවිධානය බිහිකර ගන්න පුරෝගාමී වුනු බොහෝ දෙනෙකුට, පාරිසරික අධ්‍යාපනය ලබා ගන්න, පරිසරය ගැන දැනුවත් වෙන්න ඒ සංවිධානය ගොඩක් පිටුවහලක් උනා... ඒක අපේ ජීවිතවල අමතක නොවෙන සන්ධිස්ථානයක් කිවුවත් වැරදි නෑ කියලා හිතනවා... "පරිසරය ගැන දැනුවත් වීම, පරිසර සංරක්ෂණයට දායක වීම සහ පාරිසරික අධ්‍යාපනය සමාජගත කිරීම" කියන අරමුණු තුන වටා ගොඩ නැගුන ඒ සංවිධානය, කැපවීමෙන් යම් අරමුණක් වටා එක්වෙන සුළු පිරිසකට උනත් ලොකු දෙයක් කරන්ඩ පුළුවන් බව පෙන්නලා දුන්නා......

හරිත දියතට මුලින්ම එකතු උනේ ශ්‍රී ලංකා දිය ඇලි සංසදය මගින් සංවිධානය කෙරුන පාඨමාලවට සහභාගී උන තුන්වැනි කණ්ඩායමේ සාමාජිකයන්ගෙන් පිරිසක්. [ඒකට අඩිතාලම වැටුනේ ඒ පාඨමාළාව සම්බන්ධීකරණය කල රංජිත් අමරසිංහ මහතා අප තුල ඇතිකල දැනුම සොයා යෑමේ පිපාසය බව ගෞරවයෙන් සිහිපත් කරනවා].

හරිත දියත මුල් අවුරුදු දහයේ පමණ හොඳ ක්‍රියාකාරී මට්ටමක තිබුනත්, මේ අන්තිමට ගෙවුන අවුරුදු පහක විතර කාලයේ ඒකත් නිකම්ම නමට විතරක් පවතින සංවිධානයක තත්වයට ලඝුවී තිබීම කණගාටුවට කරුණක්....

හරිත දියතේ 2006-2016 කාල වකවානුවේ පැරණි මතක  කිහිපයක් මේ විදියට කොටස් වශයෙන් පළකරන්ඩ හිතුවා....

මේ තියෙන්නෙ 2008 වසරට අයත් මතක සටහන් කිහිපයක්.....

මේ අතර ආනවිළුන්දාව චාරිකාව, වන සංරක්ෂන දෙපාර්තමේන්තුවේ දේශනය, දෙහිවල වැඩිහිටි නිවස පිරිසිදු කිරීමේ ශ්‍රමදානය, මහ උසකන්ද චාරිකාව, කොස්ගොඩ කැස්බෑ නිරීක්ෂණ චාරිකාව, කඩොලාන දින මහජන දැනුවත් කිරීම, කන්තලේ වෛද්‍ය කඳවුරු, සොබා ප්‍රදර්ශන කුටිය, මාදුගඟ චාරිකාව, කොළඹ දිය ඇළි චාරිකාව, පානදුර වෙරළ පිරිසිදු කිරීම, සීගරි-දිය කැපිල්ල චාරිකාව, මහියංගන චාරිකාව, බුන්දල චාරිකාව සහ මාකෙළි ඇල්ලෙහි තිබුනු වාර්ෂික මහ සභාව විශේෂ වෙනවා.....

 [අරුණ-2021/11/26]